Norðurheimskautið ekkert meðaltalsvæði

Markmið alþjóðasamfélagsins í loftslagsmálum í dag er að meðalhækkun hitastigs á jörðinni verði ekki meiri en 2 gráður. Meðaltal rúmar þó auðveldlega heilmikil frávik. Norðurheimskautssvæðið er t.d. viðkvæmara fyrir loftslagsáhrifinum langt fyrir ofan meðaltal.

Nýjar rannsóknir sýna hvernig hitastig lækkaði jafnt og þétt - með smávægilegum sveiflum - síðustu tvö árþúsund. Uns á 20. öldinni verður kúvending - og norðurheimskautið hlýrra á síðustu öld heldur en nokkru sinni fyrr, sérstaklega síðustu 10 árin. Hlýskeiðið á landnámstímanum var raunverulegt, en miðað við nútímann telst það minniháttar frávik.

Sjá þessa umfjöllun á vísindavef BBC.

Svo vitnað sé í nýleg orð framkvæmdastjóra SÞ: "Scientists have been accused for years of scaremongering. But the real scaremongers are those who say we cannot afford climate action."

Athugasemdir

[Loftslag.is, 4.9.2009 kl. 10:36]

Takk fyrir að benda á þetta.

[Sigurður Grétar Guðmundsson, 4.9.2009 kl. 17:50]

Það eru léleg vísindi að birta Hokkýstafinn hans Micael Mann, það eru allir heiðarlegir vísindamenn búnir að viðurkenna að hann er fölsun á staðreyndum. Það er ekki að undra að það yrði hlýnun á 20. öld, þá vorum við að koma út úr Litlu ísöld sem stóð fram á 19. öld. Hlýnunin á 20. öld var ekki samfelld, fóru upp og niður en náði hámarki 1998. Síðan hefur hnattræn hlýnun stöðvast, vissulega farið upp og niður en það er í það heila tekið ekki um hnattræna hlýnun að ræða frá aldamótum. Einnig staðreynd að ís á norðurslóðum er ekki á undanhaldi.

Ban-Ki-moon var hafður að fífli við Svalbarða nýlega.

Velkominn á bloggið mitt <siggigreta.blog.is>

[Loftslag.is, 4.9.2009 kl. 18:44]

Siggi: hvernig væri að lesa það sem Kjartan skrifaði. Þetta er ekki Hokkístafurinn.

[Sigurður Grétar Guðmundsson, 5.9.2009 kl. 10:06]

Þegar ég stækka myndina sé ég að þetta er rétt hjá þér, þetta er ekki Hokkýstafurinn. En þegar skoðuð eru síðustu 1000 árin á þessari mynd þá nánast blasir Hokkýstafurinn við. Það er æði erfitt að halda því fram að hitastig á norðurslóðum sé hærra nú en var á miðöldum, frá árinu 1000 til 1300. Okkur gömlu góðu sögur, ásamt mörgu öðru, sýnir þetta og sannar.

Ein samviskuspurning: Telur þú að það sem fyir augu Ban-Ki-moon bar við Svalbarða nú nýlega sýni og sanni hækkandi hita á norðurslóðum?

[Loftslag.is, 5.9.2009 kl. 21:35]

Nú hef ég ekki hugmynd um hvort þú ert að spyrja mig eða Kjartan.

En mín samviska segir nei við þessari spurningu. Aftur á móti eru rannsóknaniðurstöður eins og þessi sem Kjartan bendir á þess legar að hlýnunin er óyggjandi. Fjöldamargar aðrar rannsóknir sýna það einnig og sanna.

[Sveinn Atli Gunnarsson, 5.9.2009 kl. 23:34]

Sigurður, ég held að þú sért að stinga höfðinu í sandinn (ísinn) með því að halda því ískalt fram sem staðreynd að ís á norðurslóðum sé ekki á undanhaldi, sem hann er samkvæmt gervihnattamælingum NASA. Þú hefur haldið þessu fram og vitnað í (en ekki getið heimilda) einhverjar óljósar heimildir þar að lútandi á síðu þinni. Þú verður, þegar þú heldur svona fullyrðingum fram, að gæta þess að geta vitnað í einhverjar heimildir máli þínu til stuðnings.

[Kjartan Rolf Árnason, 6.9.2009 kl. 14:47]

Sigurður:

Um er að ræða viðamikla vísindalega athugun sem byggist á mælingum á ískjörnum, trjáhringjum og setlögum í vötnum. Rannsóknarniðurstöðurnar birtust fyrst Science sem er virt vísindarit. Í grófum dráttum kom í ljós að kólnun var að meðaltali 0,2 gráður á áratug í tvö þúsund ár til um 1900 en eftir það hækkar hitastigið um 1,2 gráðu.  

Hlýskeiðið við landnám kemur greinilega fram í cirka 0,4 gráðu hlýnun á 10.öldinni sem var hlýjasta þekkta tímabilið lengi vel en 20. öldin siglir síðan svo langt fram úr því hlýskeiði eins og sést á línuritinu. Reyndar getum við Íslendingar auðvitað séð augljós einkenni þess með því að opna augun fyrir hraða breytinganna allt í kringum okkur í eigin landi.

Greinina á Science finnurðu hér, http://www.sciencemag.org/cgi/content/short/325/5945/1236, en þú þarft að vera áskrifandi til að sjá meira en úrdráttinn. En um hana hefur víða verið fjallað, m.a. í Scientific American, sjá http://www.scientificamerican.com/article.cfm?id=global-warming-reverses-arctic-cooling og vísindavef BBC, sjá http://news.bbc.co.uk/2/hi/science/nature/8236797.stm 

Ég hvet þig til að kynna þér frumheildirnar áður en þú myndar þér skoðun á þeim.

[Jón Erlingur Jónsson, 8.9.2009 kl. 16:16]

Takk fyrir áhugavert blogg.

Í síðustu athugasemd á líklega að standa 0,2 gráðu kólnun á árþúsundi ! Kólnunin á hverjum 1000 árum var sem sagt álíka mikil og hlýnunin af völdum gróðurhúsalofttegunda á hverjum áratug telst vera núna.