Þökk sé þeim sem rata leiðina til nýja Íslands

Ég er ekki alltaf sammála Bjarna Harðarsyni. Alls ekki. En ég virði það ómælt þegar menn sýna kjark til að brjótast út úr viðjum vana og úreltra hefða. Og þora að taka til sín ábyrgð í stað þess að vísa henni frá.

Í hinu nýja Íslandi axla þeir ábyrgð sem á endanum bera hana. Þökk sé þeim sem rata leiðina þangað. Hinum verður hún þá auðgengnari.

Nú bíð ég eftir að Björgvin G. axli ábyrgð á vanrækslusyndum og vanhæfni undirmanna í FME, hans var vaktin og skyldan að tryggja góð störf undirmanna sinna. Og síðan forsætisráðherra, fjármálaráðherra, bankastjóra Seðlabankans ... svona augljósustu næstu skref.

Bjarni segir af sér

Athugasemdir

[Skarfurinn, 11.11.2008 kl. 10:33]

Ekki gleyma Jónasi Fr. og yfirmönnum FME, þeir bera mestu ábyrgðina á út-túttnum bankanna erlendis enda um eftirlitsstofnun að ræða.

[365, 11.11.2008 kl. 10:34]

Reyndar var ekkert annað í stöðunni hjá Bjarna en þessi gjörningur.  Hann er maður að meiri.  Eitt stig.

[Viðar (IP-tala skráð) 11.11.2008 kl. 11:18]

Afhverju að segja að þetta hafi verið það eina í stöðunni?  Þetta var það eina RÉTTA í stöðunni, en hann hefði getað eins og flestir þessara þingmanna og annara ráðamanna gera, bara setið áfram og látið þetta gleymast. En rétt er að hann er maður af meiru að hafa axlað sína ábyrgð.  Og sýnir það að honum er í raun treystandi :) svona þegar upp um hann kemst allavega.

mbk  

[Kjartan Rolf Árnason, 11.11.2008 kl. 12:05]

Einmitt, - reyndar finnst mér meira viðeigandi að Jónasi Fr. sé sagt upp heldur en að bíða eftir að hann geri það sjálfur.

[Dísa (IP-tala skráð) 11.11.2008 kl. 14:52]

http://www.facebook.com/home.php?ref=home#/pages/Bjarni-Hararson/96610280566?ref=nf